གཏོང་སེམས་ལྷག་བསམ་ལྡན་པའི་འབྲེལ་ཡོད་རྣམ་པར་ཞུ་རྒྱུར།
ད་ལྟ་ནི་རྒྱ་ནག་དམར་པོའི་སྲིད་བྱུས་འོག་བོད་ཀྱི་ཆོས་དང་རིག་གཞུང་སྣུམ་ཟད་ཀྱི་མར་མེ་ལྟར་ཉམ་རྒུད་ཤུགས་ཆེ་འགྲོ་བཞིན་པ་དང་། བཙན་བྱོལ་ནང་དགོན་སྡེ་ཁག་དང་སློབ་གྲྭ་ཁག་ཏུ་བོད་ཕྲུག་གི་གྲངས་འབོར་ཉིན་རེ་བཞིན་ཇེ་ཉུང་དུ་འགྲོ་བཞིན་པའི་དུས་སྐབས་ཧ་ཅང་ཛ་དྲག་ཅིག་ཡིན་པས། བོད་ཀྱི་ཆོས་དང་རིག་གཞུང་སྲུང་སྐྱོབ་ལ་ཕྱོགས་གང་ས་ནས་འབད་བརྩོན་ལྷོད་མེད་བྱེད་དགོས་པའི་དུས་སྐབས་ཤིག་ཡིན་པས། གནའ་དེང་གི་ཤེས་ཡོན་ལྡན་པ་རྣམས་ཀྱིས་ཤེས་ཡོན་གྱི་ལམ་ནས་ཆོས་རིག་འཛིན་སྐྱོང་བྱ་རྒྱུ་དང་། རྒྱུ་འབྱོར་ལྷག་བསམ་ལྡན་པ་རྣམས་ཀྱིས་དཔལ་འབྱོར་གྱི་མཐུན་རྐྱེན་སྦྱར་ཏེ་ཆོས་རིག་འཛིན་སྐྱོང་བྱེད་དགོས་པ་ཡིན། མཐོ་སློབ་འདིར་བོད་ཀྱི་བརྡ་སྤྲོད་དང་། རྩོམ་རིག །རྒྱལ་རབས། ནང་དོན་རིག་པ་བཅས་སློབ་ཁྲིད་བྱེད་ཀྱིན་ཡོད་པ་ལྟར། བཙན་བྱོལ་ནང་བོད་ཀྱི་རིག་གནས་ཁོ་ནར་ཆེད་སྦྱོང་བྱ་ཡུལ་གྱི་མཐོ་སློབ་གཅིག་རང་ཡོད་པ་ནི་ས་རཱ་བོད་ཀྱི་མཐོ་སློབ་འདི་ཉིད་ཡིན།
དེས་ན་བོད་ཀྱི་ཆོས་རིག་ལ་དགའ་གུས་གཅེས་སེམས་ལྡན་པ་རྣམས་ཀྱིས། མཐོ་སློབ་འདིའི་སློབ་གཉེར་བ་རྣམས་ཀྱི་སློབ་ཡོན་དང་། དཔེ་མཛོད་ཁང་གི་དཔེ་དེབ་མཁོ་སྒྲུབ། དཔེ་དེབ་དཔར་བསྐྲུན། འཛུགས་སྐྲུན་གྱི་མཐུན་རྐྱེན་སོགས་ལ་སྨན་སླད་ཞལ་འདེབས་གནང་འདུན་ཡོད་ན་གཤམ་གསལ་དངུལ་ཁང་བརྒྱུད་གནང་སྐྱབས་ཡོང་བ་ཞུ་རྒྱུ་དང་། ད་ལྟའི་བར་འདི་ནས་སློབ་ཐོན་བྱུང་བའི་རང་རིགས་ན་གཞོན་དང་། ཧི་མ་ལ་ཡའི་རི་རྒྱུད། ཕྱི་རྒྱལ་ཡུལ་གྲུ་འདྲ་མིན་ནས་ཕེབས་པའི་སློབ་གཉེར་བ་རྣམས་ཀྱིས་ཕྱི་ནང་སྤྱི་ཚོགས་སུ། སྲི་ཞུའི་ལས་བྱེད་དང་། དགེ་རྒན། གསར་འགོད་པ། རྩོམ་པ་པོ། ཞིབ་འཇུག་པ། སྐད་སྒྱུར་བ། ལས་འགུལ་གྱི་སྣེ་ཁྲིད་པ་སོགས་ལས་རིགས་སྣ་ཚོགས་ལ་ཞུགས་ཏེ། སྤྱི་སྒེར་གཉིས་ཀར་ཕན་ནུས་ལྡན་པའི་བྱས་རྗེས་བཞག་དང་འཇོག་བཞིན་པར་གཟིགས་ན། ཁྱེད་ཀྱི་ཞལ་འདེབས་གནང་བ་རྣམས་ཆུད་ཟོས་སུ་མི་འགྲོ་བའི་ངེས་པ་རྙེད་ནུས།
༡། མཐོ་རིམ་རིག་གནས་རབ་འབྱམས་པའི་སློབ་ཡོན་ཟླ་རེར་ཨ་སྒོར་ ༦༥།
༢། གཙུག་ལག་རབ་འབྱམས་པའི་སློབ་ཡོན་ཟླ་རེར་ཨ་སྒོར་ ༡༠༠།
ཕྱི་རྒྱལ་ཁག་ནས་ཞལ་འདེབས་གནང་ཡུལ་དངུལ་ཁང་ཨང་།
| Name of the Bank | State Bank of India |
| Branch | New Delhi |
| Bank code number | 00691 |
| Bank Account No. | 40090094802 |
| Name of the account | Institute of Buddhist Dialectics |
| Dharamsala SWIFT No. | SBININBB104 |
| IFSC Code | SBIN0000691 |
རྒྱ་གར་ནང་ཁུལ་ནས་ཞལ་འདེབས་གནང་ཡུལ་དངུལ་ཁང་ཨང་།
| Name of the Bank | Punjab National Bank |
| Branch | Gaggal |
| Bank code number | 067800 |
| Bank Account No. | 0678000100156529 |
| Name of the account | Institute of Buddhist Dialectics |
| Dharamsala SWIFT No. | |
| IFSC Code | PUNB0067800 |
ཞལ་འདེབས་འབུལ་ཐབས་སྐོར་དྲི་བ་ཡོད་ཚེ་གློག་འཕྲིན་སོགས་བརྒྱུད་ནས་ང་ཚོར་འབྲེལ་བ་གནང་རོགས།