ལོ་རིམ་དང་པོའི་སློབ་དུས་དང་པོ།
བསླབ་གཞི།
གདོད་མའི་བོད་ཀྱི་ལོ་རྒྱུས་དང་། དུས་རབས་བར་མའི་ས་ཕག་རིན་གཙང་གི་ལོ་རྒྱུས།
བསླབ་གཞི་ངོ་སྤྲོད།
བོད་ཀྱི་སྣོད་བཅུད་ཆགས་ཚུལ་དང་། སྤུར་རྒྱལ་གཉའ་ཁྲིའི་རྒྱུད་པས་བཙུགས་པའི་བོད་ཆེན་པོའི་རྒྱལ་ཁབ་ཀྱི་སྲིད་དཔལ་རིག་གསུམ་གྱི་འཕེལ་རིམ་ངོ་སྤྲོད། ཕྱིས་ཀྱི་ས་ཕག་རིན་གཙང་སྐབས་ཀྱི་ཆབ་སྲིད་འཕོ་འགྱུར་དང་། རིག་གནས་དར་འཕེལ་སྐོར།
སྙིང་དོན།
བོད་ཀྱི་ས་ཁམས་དང། མིའི་སྤྱི་ཚོགས་གྲུབ་རྗེས་རུས་རྒྱུད་སྣ་ཚོགས་ལས་གྲུབ་པའི་རྒྱལ་ཕྲན་བཞི་བཅུ་རྣམས་ཡར་ཀླུངས་རྒྱལ་པོས་གཅིག་གྱུར་བཟོས་ཏེ། ཨེ་ཤི་ཡ་དཀྱིལ་མར་སྙན་གྲགས་ལྡན་པའི་བོད་ཆེན་པོའི་རྒྱལ་ཁབ་བཙུགས་ཚུལ། བོད་ཆེན་པོ་ཆབ་སྲིད་དང་དམག་དོན་སོགས་གང་ཐད་ནས་སྟོབས་འབྱོར་མངའ་ཐང་ལྡན་པའི་རྒྱལ་ཁབ་ཅིག་ཏུ་འགྱུར་བཞིན་པའི་སྐབས། ནང་ཁུལ་འགལ་བའི་རྐྱེན་ལས་སྲིད་དབང་སིལ་བུར་ཐོར་ཏེ་རྒྱལ་ཕྲན་སྣེ་མང་བྱུང་ཚུལ། ཕྱིས་དུས་རབས་བཅུ་གསུམ་པའི་འགོ་སྟོད་དུ་སོག་པོ་དང་ས་སྐྱའི་དབར་མཆོད་ཡོན་འབྲེལ་ཏེ་ས་སྐྱ་པས་བོད་ཀྱི་སྲིད་དབང་བཟུང་ཚུལ། རིང་པོར་མ་སོང་བར་ས་ཕག་ནང་འཁྲུག་གི་དབང་གིས་ས་སྐྱའི་སྲིད་དབང་ཤོར་བ་དང་། དེ་རྗེས་ཕག་གྲུ་དང་། རིན་སྤུངས། སྡེ་པ་གཙང་པ་བཅས་སོ་སོས་སྲིད་དབང་བསྐྱངས་ཚུལ། དུས་རབས་བཅུ་བདུན་པའི་དུས་དཀྱིལ་དུ་དགེ་སོག་གཉིས་ཀྱིས་དགའ་ལྡན་ཕོ་བྲང་གི་གཞུང་བཙུགས་ཚུལ།
སློབ་ཚན་སློབ་པའི་དགོས་པ།
གཙོ་བོ་བོད་ཀྱི་གནའ་བོའི་ཆབ་སྲིད་དང་། ཆོས་ལུགས། རིག་གནས་སོགས་ཀྱི་འཕེལ་རིམ་དང་། ཞོར་དུ་ཁྱིམ་མཚེས་རྒྱལ་ཁབ་དང་འབྲེལ་བ་བྱུང་ཚུལ་རྣམས་རགས་བསྡུས་སུ་ངོ་སྤྲོད་བྱས་ཏེ། མཐོ་རིམ་རིག་གནས་འཛིན་གྲྭ་ཕྱི་མ་རྣམས་སུ་བསླབ་གཞིའི་ལོ་རྒྱུས་སློབ་ཚན་གྱི་གཞི་རྐང་འཛུགས་ཐུབ་པ་བྱ་རྒྱུ།
བསླབ་གཞི་གཙོ་བོ།
༡། མཚམས་སྦྱོར་འཛིན་གྲྭའི་བསླབ་གཞི། ༼རྒྱལ་རབས་དང་ཆོས་འབྱུང་།༽ སློབ་ཚན། དང་པོ་ནས་བཅུ་པའི་བར།
ཚན་པ་དང་པོ།
༡། བོད་ཀྱི་ས་ཁམས་ཆགས་ཚུལ་དང་། བོད་མི་བྱུང་ཚུལ།
༢། བོད་མིའི་མེས་པོ་མིའུ་གདུང་དྲུག་བྱུང་ཚུལ་དང་། མངའ་མཛད་བཅུ་དང་། རྒྱལ་ཕྲན་སིལ་མ་བཞི་བཅུ་ངོ་སྤྲོད།
༣། གཉའ་ཁྲི་བཙན་པོས་བོད་ཀྱི་རྒྱལ་པོ་མཛད་པ་དང་། བོད་ཀྱི་གདོད་མའི་ཆོས་ལུགས་བོན་གྱི་སྐོར།
ཚན་པ་གཉིས་པ།
༡། ལྷ་ཐོ་ཐོ་རི་གཉན་བཙན་སྐབས་བོད་དུ་ནང་ཆོས་དབུ་བརྙེས་ཚུལ།
༢། སྲོང་བཙན་སྒམ་པོས་རྒྱལ་ཕྲན་ཆེ་ཁག་རྣམས་གཅིག་གྱུར་བཟོས་ཏེ་བོད་ཆེན་པོའི་རྒྱལ་ཁབ་བཙུགས་ཚུལ།
༣། སྲོང་བཙན་གྱིས་རྒྱ་དང་བལ་ཡུལ་དུ་གཉེན་འབྲེལ་བཙུགས་ཏེ་རྒྱལ་ཁབ་གཞན་ནས་རིག་གནས་ནང་འདྲེན་གནང་ཚུལ།
ཚན་པ་གསུམ་པ།
༡། ཁྲི་སྲོང་ལྡེའུ་བཙན་སྐབས་བོད་དུ་ནང་བསྟན་སྤེལ་ཡུལ་དགོན་པ་དང་། ནང་བསྟན་སྤེལ་མཁན་དགེ་འདུན་གྱི་སྡེ་ཚུགས་ཚུལ།
༢། བཙན་པོ་ཁྲི་རལ་པ་ཅན་གྱི་སྐབས་རྒྱ་བོད་འདུམ་འགྲིག་བྱུང་ཚུལ་དང་། གླང་དར་མའི་རྗེས་བོད་ཆེན་པོའི་སྲིད་དབང་ཐོར་ཚུལ།
༣། བསྟན་པ་སྔ་དར་དང་། ཕྱི་དར་གཉིས་ངོ་སྤྲོད།
ཚན་པ་བཞི་པ།
༡། བོད་སོག་མཆོད་ཡོན་གྱི་འབྲེལ་བ་བྱུང་སྟེ་ས་སྐྱ་པས་གཞུང་བཙུགས་ཚུལ་དང་། དཔོན་ཆེན་གལ་ཆེ་རྣམས་ངོ་སྤྲོད།
༢། ས་ཕག་འགལ་བ་ཡོང་རྐྱེན་དང་། ཕག་གྲུ་བྱང་ཆུབ་རྒྱལ་མཚན་གྱིས་སྡེ་སྲིད་ཕག་མོ་གྲུ་པའི་གཞུང་བཙུགས་ཚུལ།
༣། དགེ་སོག་གཉིས་ཀྱིས་སྡེ་པ་གཙང་པ་ཕམ་ཉེས་བཏང་ཚུལ།
ཟུར་ལྟའི་དཔེ་དེབ།
༡། བོད་ཀྱི་ལོ་རྒྱུས་གླེང་བའི་གཏམ།
༢། བོད་གངས་ཅན་གྱི་རྒྱལ་རབས་དྲིས་ལན་བརྒྱ་པ་རབ་གསལ་ཤེལ་གྱི་མེ་ལོང་།
༣། བོད་ཀྱི་སྲིད་དོན་རྒྱལ་རབས་ཀྱི་ཟིན་བྲིས་དྲི་ལན་ཉིས་བརྒྱ་པ།
ལོ་རིམ་དང་པོའི་སློབ་དུས་གཉིས་པ།
བསླབ་གཞི།
དུས་རབས་བར་མ་དང་། ཉེ་རབས་བོད་ཀྱི་ལོ་རྒྱུས་ལས་དགའ་ལྡན་ཕོ་བྲང་སྐབས་ཀྱི་ལོ་རྒྱུས། ཆོས་འབྱུང་ལས་གཡུང་དྲུང་བོན་དང། སྟོན་པའི་མཛད་པ་བཅུ་གཉིས། བཀའ་བསྡུ་སོགས་ཀྱི་སྐོར།
བསླབ་གཞི་ངོ་སྤྲོད།
༸གོང་ས་ལྔ་པ་ཆེན་པོ་ནས་བཟུང་༸རྒྱལ་མཆོག་སྐུ་ཕྲེང་རིམ་བྱོན་གྱིས་སྲིད་དབང་བསྐྱངས་རིང་ཆབ་སྲིད་དང་། རིག་གནས་སོགས་ཀྱི་འཕེལ་རིམ་དང་། དེ་བཞིན་སོག་པོ་དང་། མན་ཇུ། དབྱིན་ཇི་དང་ཕྱི་འབྲེལ་བཙུགས་ཚུལ་སྐོར། བོད་ཀྱི་གདོད་མའི་ཆོས་ལུགས་བོན་ངོ་སྤྲོད་དང་། སྟོན་པ་བཅོམ་ལྡན་འདས་ཀྱི་རྣམ་ཐར། གཏད་རབས། བཀའ་བསྡུ། བསྟན་པར་དགྲ་ལན་གསུམ་བྱུང་ཚུལ་སྐོར།
སྙིང་དོན།
༸གོང་ས་ལྔ་པ་ཆེན་པོས་སོག་པོ་གུ་ཤྲི་བསྟན་འཛིན་ཆོས་རྒྱལ་གྱི་རྒྱབ་རྟེན་འོག་བོད་གཞུང་དགའ་ལྡན་ཕོ་བྲང་གི་གཞུང་བཙུགས་ཏེ། སྐུ་ཕྲེང་རིམ་པས་ལོ་ངོ་བརྒྱ་ཕྲག་གསུམ་ལྷག་རིང་མུ་མཐུད་འཛིན་སྐྱོང་གནང་ཚུལ་སྐོར་དང་། གཞན་ཡང་༸རྒྱལ་མཆོག་སྐུ་ཕྲེང་རིམ་བྱོན་དང་སོག་པོ། མན་ཇུའི་དབར་མཆོད་ཡོན་གྱི་འབྲེལ་བ་བྱུང་སྟེ་ཕྱོགས་སོ་སོར་ཐོབ་པའི་ཁེ་ཕན་དང་། སྐབས་འགར་མཆོད་ཡོན་དབར་བྱུང་བའི་དབང་ཆའི་འཐབ་རྩོད། ཕྱིས་དུས་རབས་ཉི་ཤུའི་འགོ་སྟོད་དུ་དབྱིན་བོད་དབར་གྱི་ཆབ་སྲིད་འབྲེལ་བ་དང་། དུས་རབས་དེའི་དུས་དཀྱིལ་དུ་རྒྱ་དམར་གྱིས་བོད་ལ་བཙན་འཛུལ་བྱས་པས་༸གོང་ས་བཅུ་བཞི་པ་ཆེན་པོ་ཡུལ་གྱར་ཕེབས་པའི་སྐོར། ཆོས་འབྱུང་སྐོར་ལས་བོད་ཀྱི་ཕ་ཆོས་གཡུང་དྲུང་བོན་ངོ་སྤྲོད་དང་། སྟོན་པ་ཐུབ་པའི་དབང་པོའི་མཛད་ཆེན་ཁག།།དེ་མིན་སྟོན་པའི་བརྒྱུད་འཛིན་གཏད་རབས་རྣམས་དང་། སྟོན་པའི་ཞལ་སློབ་རྣམས་ཀྱིས་སྟོན་པའི་གསུང་རབས་རྣམས་ཕྱོགས་གཅིག་ཏུ་བསྡུས་ཚུལ་སྐོར་སོགས།
སློབ་ཚན་སློབ་པའི་དགོས་པ།
གཙོ་བོ་༸རྒྱལ་མཆོག་སྐུ་ཕྲེང་རིམ་བྱོན་གྱིས་བོད་གཞུང་གི་འཛིན་སྐྱོང་ཐུགས་འགན་ལོ་ངོ་བརྒྱ་ཕྲག་གསུམ་ལྷག་བཞེས་རིང་། བོད་ཀྱི་ཆབ་སྲིད་ཀྱི་འཕེལ་རིམ་དང་། སོག་པོ་དང། རྒྱ་ནག།།བལ་པོ། འབྲུག་སོགས་དང་ཕྱི་འབྲེལ་གྱི་གནས་བབ། སྟོན་པའི་མཛད་རྣམས་ལས་འཕྲོས་ཏེ། གཏད་རབས་སོགས་ངོ་སྤྲོད་རགས་བསྡུས་སུ་བྱས་ཏེ་མཐོ་རིམ་རིག་གནས་འཛིན་གྲྭ་ཕྱི་མ་རྣམས་སུ་བསླབ་གཞིའི་ལོ་རྒྱུས་སློབ་ཚན་གྱི་གཞི་རྐང་འཛུགས་ཐུབ་པ་བྱ་རྒྱུ།
བསླབ་གཞི་གཙོ་བོ།
༡། མཚམས་སྦྱོར་འཛིན་གྲྭའི་བསླབ་གཞི།༼རྒྱལ་རབས་དང་ཆོས་འབྱུང་།༽སློབ་ཚན། བཅུ་པ་ནས་ཞེ་ལྔའི་བར།
ཚན་པ་དང་པོ།
༡། ༸རྒྱལ་མཆོག་སྐུ་ཕྲེང་དང་པོ་ནས་བཞི་པ་བར་གྱི་མཛད་རྣམ་དང་། ༸རྒྱལ་མཆོག་སྐུ་ཕྲེང་གསུམ་པ་དང་སོག་པོའི་དབར་གྱི་མཆོད་ཡོན་གྱི་འབྲེལ་བ་བྱུང་ཚུལ།
༢། ཀར་དགེའི་འགལ་བ་ཇེ་ཆེར་སོང་སྟེ། དགེ་སོག་མཉམ་སྦྲེལ་གྱིས་སྡེ་པ་གཙང་པ་ཕམ་ཉེས་བཏང་ཚུལ་སྐོར།
༣། ༸གོང་ས་ལྔ་པ་ཆེན་པོའི་སྐབས་ཀྱི་སྡེ་སྲིད་རིམ་བྱོན་དང་། ལྷ་བཟང་ཁང་དང་སྡེ་སྲིད་སངས་རྒྱས་རྒྱ་མཚོའི་དབར་གྱི་འབྲེལ་བའི་གནས་བབ།
ཚན་པ་གཉིས་པ།
༡། ལྷ་བཟང་ཁང་དང་། ཇུན་གར་བས་བོད་ནང་ལོ་ངོ་བཅུ་ལྷག་སྲིད་དབང་སྒེར་འཛིན་བྱས་པའི་སྐོར།
༢། དབུས་གཙང་མཉམ་སྦྲེལ་གྱི་བཀའ་བློན་ལྔ་པོས་གཞུང་འཛིན་གནང་ཡང་། ནང་འཁྲུག་རྐྱེན་པས་ཕོ་ལྷ་བས་སྡེ་སྲིད་མཛད་པའི་སྐོར།
༣། བཀའ་ཤག་ལས་ཁུངས་དབུ་བརྙེས་ཚུལ། གོར་བོད་དམག་འཁྲུག་དང་སིང་བོད་དམག་འཁྲུག་སོགས་ཀྱི་སྐོར།
ཚན་པ་གསུམ་པ།
༡། དབྱིན་བོད་གཉིས་ཀྱི་དབར་ཆབ་སྲིད་འབྲེལ་བ་བྱུང་ཚུལ་དང་། ༸རྒྱལ་མཆོག་བཅུ་གསུམ་པ་ཆེན་པོ་ཉེན་གཡོལ་དུ་ཕེབས་པའི་སྐོར།
༢། ༸རྒྱལ་མཆོག་བཅུ་གསུམ་པ་ཆེན་པོས་ཆབ་སྲིད་ཀྱི་སྒྲིག་སྲོལ་དང་། མི་མང་གི་འཚོ་ཐབས་སོགས་དུས་དང་མཐུན་པའི་བསྒྱུར་བཅོས།
༣། ༸རྒྱལ་མཆོག་བཅུ་བཞི་པ་ཆེན་པོས་ཆབ་སྲིད་ཐུགས་འགན་བཞེས་པའི་སྐོར་དང་། གུང་ཁྲན་གྱིས་བོད་ནང་བཙན་འཛུལ་བྱེད་འགོ་བཙུགས་པའི་སྐོར།
ཚན་པ་བཞི་པ།
༡། ༸རྒྱལ་མཆོག་བཅུ་བཞི་པ་ཆེན་པོས་རྒྱ་བོད་གཉིས་དབར་གྱི་ཆིངས་དོན་གཞིར་བཟུང་མཛད་ཐབས་བསྐྱངས་མོད། དགོངས་དོན་ཇི་བཞིན་མ་འགྲུབ་པར་ཡུལ་གྱར་ལ་ཕེབས་ཚུལ།
༢། ༸རྒྱལ་མཆོག་བཅུ་བཞི་པ་ཆེན་པོས་ཁྱིམ་མཚེས་ཡུལ་གྲུ་རྣམས་དང་། མཉམ་སྦྲེལ་རྒྱལ་ཚོགས་སོགས་ཀྱིས་བོད་དོན་བདེན་མཐའ་གསལ་ཐབས་སླད་ཐུགས་འཁུར་རྒྱབ་སྐྱོང་ཡོང་ཆེད་སྐུ་ངལ་དཔག་མེད་བསྐྱོན་པའི་སྐོར།
༣། སྟོན་པའི་མཛད་ཆེན་ཁག་དང་། སྟོན་པ་འདས་རྗེས་རྗེས་འཇུག་གཏད་རབས་རྣམས་ཀྱིས་བསྟན་པ་དར་སྤེལ་ཇི་ལྟར་མཛད་པའི་སྐོར།
ཟུར་ལྟའི་དཔེ་དེབ།
༡། བོད་ཀྱི་ལོ་རྒྱུས་གླེང་བའི་གཏམ།
༢། བོད་གངས་ཅན་གྱི་རྒྱལ་རབས་དྲིས་ལན་བརྒྱ་པ་རབ་གསལ་ཤེལ་གྱི་མེ་ལོང་།
༣། བོད་ཀྱི་སྲིད་དོན་རྒྱལ་རབས་ཀྱི་ཟིན་བྲིས་དྲི་ལན་ཉིས་བརྒྱ་པ།
ལོ་རིམ་གཉིས་པའི་སློབ་དུས་དང་པོ།
བསླབ་གཞི།
གདོད་མའི་བོད་ཀྱི་ལོ་རྒྱུས།
བསླབ་གཞི་ངོ་སྤྲོད།
ཡ་ཐོག་དང་། གདོད་མའི་དུས་སྐབས། ཡར་ཀླུངས་རྒྱལ་ཕྲན་སྐབས་ཀྱི་བོད་ཀྱི་ལོ་རྒྱུས་སྐོར།
སྙིང་དོན།
བོད་ཅེས་པའི་སྒྲ་བཤད་དང་། སྤྱིར་འཛམ་གླིང་ཆགས་རབས། ཡང་སྒོས་བོད་ཡུལ་སྟོད་སྨད་བར་གསུམ་གྱི་ས་བབ། བོད་མི་བྱུང་ཚུལ་གྱི་ཤོད་སྲོལ་མི་འདྲ་བ་ཁག་ལ་དཔྱད་བསྡུར། བོད་མིའུ་རུས་བཞི་དང་མིའུ་གདུང་དྲུག་ཅེས་པའི་མིང་ཐོགས་ཚུལ། དེའི་ཕྱི་རྒྱུད་རྣམས་བོད་ཁམས་སུ་ཇི་ལྟར་ཁ་གྱེས་པའི་བརྒྱུད་རིམ། དེ་བཞིན་གདོད་མའི་སྤྱི་ཚོགས་ནས་རྒྱལ་ཕྲན་ལམ་ལུགས་སུ་ཇིི་ལྟར་འཕེལ་ཞིང་ཕན་ཚུན་འཐབ་རྩོད་དང་དབང་སྒྱུར་བྱས་པའི་སྐོར། གཉའ་ཁྲི་ནས་གནམ་རི་སྲོང་བཙན་བར་གྱི་བོད་ཀྱི་རྒྱལ་ཐོག་རིམ་པ་དང། བན་བོན་གཉིས་ཀྱི་ཆོས་ལུགས། སྲིད་དབང་འཕོ་འགྱུར་བྱུང་ཚུལ་གྱི་སྐོར།
སློབ་ཚན་སློབ་པའི་དགོས་པ།
སའི་གོ་ལའི་ཆགས་རིམ་དང། བོད་ཀྱི་ས་བབ་ཆགས་ཚུལ། བོད་མིའི་འབྱུང་ཁུངས་དང། ཡར་ཀླུངས་རྒྱལ་རྒྱུད་ཀྱི་དར་རྒུད་སོགས་གདོད་མའི་བོད་ཀྱི་སྤྱི་ཚོགས་དཔལ་ཡོན་དར་འཕེལ་ཇི་བྱུང་གསལ་རྟོགས་ཐུབ་སླད།
བསླབ་གཞི་གཙོ་བོ།
བོད་ཀྱི་ལོ་རྒྱུས་རགས་རིམ་གཡུ་ཡི་ཕྲེང་བ། སྟོད་ཆ།
ཚན་པ་དང་པོ།
བོད་ཅེས་པའི་མིང་ཐོགས་ཚུལ་དང། བོད་ཀྱི་ས་ཁམས་ཆགས་ཚུལ།
ཚན་པ་གཉིས་པ།
བོད་མི་བྱུང་ཚུལ་དང། རུས་ཚན་གྱེས་ཚུལ།
ཚན་པ་གསུམ་པ།
རྒྱལ་ཕྲན་བཅུ་གཉིས་བྱུང་ཚུལ། སྤུར་རྒྱལ་རྒྱལ་ཁམས་དབུ་ཚུགས་ཚུལ།
ཚན་པ་བཞི་པ།
བན་བོན་ཆོས་ལུགས་ཀྱི་འཕེལ་རིམ།
ལོ་རིམ་གཉིས་པའི་སློབ་དུས་གཉིས་པ།
བསླབ་གཞི།
གདོད་མའི་བོད་ཀྱི་ལོ་རྒྱུས།
བསླབ་གཞི་ངོ་སྤྲོད།
སྤུར་རྒྱལ་བཙན་པོའི་དུས་ནས་བོད་སིལ་བུར་མ་ཐོར་བར་གྱི་རྒྱལ་ཐོག་རིམ་པའི་སྐབས་ཀྱི་བོད་ཀྱི་ཆབ་སྲིད་དང། ཆོས་ལུགས། དམག་དོན། ཕྱི་འབྲེལ། ཉེ་འབྲེལ་རྒྱལ་ཁབ་ཀྱི་ལོ་རྒྱུས་རགས་བསྡུས།
སྙིང་དོན།
ཕྱི་ལོ་ ༦༡༧ ལོར་སྤུར་རྒྱལ་བཙན་པོ་སྲོང་བཙན་སྒམ་པོས་བོད་ཁམས་གཅིག་གྱུར་བཟོས་ཚུལ་དང། མཐའ་བཞིར་རྒྱ་སྐྱེད། བོད་ཡིག་གསར་བཟོ། ནང་བསྟན་དར་སྤེལ། ཕྱི་སྲིད་འབྲེལ་བ། དེ་བཞིན་སྤུར་རྒྱལ་ཁྲི་སྲོང་དང་། སད་ན་ལེགས་མཇིང་ཡོན། ཁྲི་རལ་པ་བཅས་ཀྱི་སྐབས་དམག་དོན་སྟོབས་ཤུགས། རྡོ་བརྐོས། རྡོ་རིང་གསར་བཞེངས། ཉེ་འབྲེལ་རྒྱལ་ཁབ་ལ་བཙན་འཛུལ་དང། གཉེན་སྒྲིག་ཇི་བྱས། དར་མ་འུ་དུམ་བཙན་པོས་ཆོས་ལུགས་ལ་དམ་བསྒྲགས་བྱ་དགོས་དོན་སོགས་ཀྱི་སྐོར།
སློབ་ཚན་སློབ་པའི་དགོས་པ།
བོད་ཁམས་གཅིག་གྱུར་བྱུང་ཚུལ་དང། བོད་དང་ཉེ་འབྲེལ་རྒྱལ་ཁབ་བར་གྱི་ཆོས་སྲིད་འགལ་འབྲེལ། བོད་བཙན་པོའི་རྒྱལ་ཁབ་ཀྱི་ཆོས་སྲིད་མངའ་ཐང་གི་སྟོབས་ཤུགས་སོགས་ཤེས་རྟོགས་སླད།
བསླབ་གཞི་གཙོ་བོ།
བོད་ཀྱི་ལོ་རྒྱུས་རགས་རིམ་གཡུ་ཡི་ཕྲེང་བ། སྟོད་ཆ།
ཚན་པ་དང་པོ།
སྲོང་བཙན་སྒམ་པོས་བོད་ཁམས་གཅིག་གྱུར་བཟོས་པའི་སྐོར།
ཚན་པ་གཉིས་པ།
སྲོང་བཙན་སྐབས་ཀྱི་སྤྱི་ཚོགས་སྒྲིག་གཞི་དང་། ཁྲིམས་སྲོལ་གཏན་འབེབས་གནང་བའི་སྐོར།
ཚན་པ་གསུམ་པ།
བོད་ཡིག་གསར་གཏོད་དང། བཙུན་མོ་ལྔ་བཞེས་དོན།
ཚན་པ་བཞི་པ།
བཙན་པོ་གུང་སྲོང་དང་མང་སྲོང་སྐབས་ཀྱི་སྟོབས་ཤུགས།
ཚན་པ་ལྔ་པ།
བཙན་པོ་ཁྲི་ལྡེ་གཙུག་བརྟན་སྐབས་ཀྱི་ཆོས་སྲིད་འཕེལ་རིམ་སྐོར།
ཚན་པ་དྲུག་པ།
བཙན་པོ་ཁྲི་སྲོང་སྐབས་ཀྱི་དམག་དོན་སྟོབས་ཤུགས་དང་། ཆོས་ལུགས། གསོ་རིག་དར་སྤེལ་བྱུང་བའི་སྐོར།
ཚན་པ་བདུན་པ།
མུ་ནེ་བཙན་པོས་དབུལ་ཕྱུག་སྙོམས་ཚུལ་དང་། སད་ན་ལེགས་མཇིང་ཡོན་གྱིས་རྡོ་བརྐོས་བཞེངས་པའི་སྐོར།
ཚན་པ་བརྒྱད་པ།
ཁྲི་རལ་པ་ཅན་གྱི་སྐབས་བོད་རྒྱ་ཞི་འདུམ་དང་། དར་མས་ནང་བསྟན་ཆོས་ལུགས་ལ་དམ་བསྒྲགས་བྱས་སྐོར།
ཟུར་ལྟའི་དེབ།
༡། བཀའ་ཆེམས་བཀའ་ཁོལ་མ།
༢། བཀའ་ཐང་སྡེ་ལྔ།
༣། སྦ་བཞེད།
༤། ལྡེའུ་ཆོས་འབྱུང་།
༥། ཆོས་འབྱུང་མེ་ཏོག་སྙིང་པོའི་སྦྲང་རྩིའི་བཅུད།
༦། ཆོས་འབྱུང་མཁས་པའི་དགའ་སྟོན།
༧། སྲིད་དོན་རྒྱལ་རབས།
༨། པདྨ་རཱ་གའི་ལྡེ་མིག
༩། བོད་ཀྱི་གནའ་རབས་ལོ་རྒྱུས་བདམས་བཏུས་གངས་ལྗོངས་འོད་འབུམ།
༡༠། བོད་བཙན་པོའི་རྒྱལ་རབས།
ལོ་རིམ་གསུམ་པའི་སློབ་དུས་དང་པོ།
བསླབ་གཞི།
དུས་རབས་བར་མའི་བོད་ཀྱི་ལོ་རྒྱུས།
བསླབ་གཞི་ངོ་སྤྲོད།
སྤྱིར་བོད་སིལ་བུའི་དུས་སྐབས་དང། སྐབས་དེའི་བོད་དང་མཐའ་བཞིའི་རྒྱལ་ཕྲན་བར་གྱི་འབྲེལ་བ། ཡང་སྒོས་བཙན་པོའི་རྒྱལ་རྒྱུད་ཁག་གིས་ས་ཁུལ་བཅད་བཟུང་ཀྱིས་དབང་བསྒྱུར་དང། བོད་ཀྱི་ཆོས་ལུགས་གྲུབ་མཐའ་འགའི་འཕེལ་རིམ་སྐོར། བོད་སོག་མཆོད་ཡོན་གྱི་འབྲེལ་བ། ས་ཕག་རིན་གཙང་སྐབས་ཀྱི་བོད་ཀྱི་ཆོས་སྲིད་རིག་གནས་དར་སྤེལ་སྐོར།
སྙིང་དོན།
དར་མ་འུ་དུམ་བཙན་པོའི་སྲས་འོད་སྲུང་དང་། ཡུམ་བརྟན་གཉིས་རྒྱལ་སྲིད་ལ་མ་འཆམ་པར་ནང་འཁྲུག་གིས་འབངས་གྱེན་ལོག་བྱུང་སྟེ་བོད་ཁམས་སིལ་བུར་ཐོར་བ་དང་བསྟུན། རྒྱལ་རྒྱུད་དང་། བློན་རྒྱུད། གྱེན་ལོག་འགོ་དཔོན་བཅས་ཀྱིས་བོད་ཁམས་བཅད་བཟུང་གིས་དབང་ལུང་བསྒྱུར་བ་དང་སྦྲགས། ཕག་གྲུ་དང་། འབྲི་གུང་། སྟག་ལུང་། ཚལ་པ། གཡའ་བཟང་། ས་སྐྱ་བཅས་ཀྱི་ཆོས་ལུགས་གྲུབ་མཐའ་ཁག་དང་། ས་གནས་དཔོན་རིགས་བར་མཆོད་ཡོན་འབྲེལ་ནས་སྲིད་དབང་བསྐྱངས་པའི་སྐོར། ཕྱི་ལོ་ ༡༢༦༠ ཡས་མས་ནས་ས་སྐྱ་དང་སོག་པོའི་དབར་མཆོད་ཡོན་གྱི་འབྲེལ་བ་བྱུང་སྟེ་དཔལ་ལྡན་ས་སྐྱས་བོད་ཆོལ་ཁ་གསུམ་ལ་དབང་ལུང་བསྒྱུར་བ་དང། ཕྱི་ལོ་ ༡༣༥༨ ནས་ ༡༦༡༨ བར་སྡེ་སྲིད་ཕག་མོ་གྲུ་པ་དང་སྡེ་པ་རིན་སྤུངས་པས་བོད་ལ་དབང་ལུང་བསྒྱུར་རིང་། བོད་ཀྱི་རྩོམ་རིག་དང་། ཟློས་གར། བཟོ་སྐྲུན་གཙོ་བོར་གྱུར་པའི་བཅུ་ཕྲག་རིག་གཞུང་དར་སྤེལ་ཇི་བྱུང་སྐོར། ཕྱི་ལོ་ ༡༦༡༨ ནས་ ༡༦༤༢ བར་སྡེ་སྲིད་གཙང་པས་སྲིད་དབང་བསྒྱུར་རིང་། ཀར་དགེའི་དབར་ཆོས་ལུགས་འགལ་ཟླ་དང་། སོག་པོ་གུ་ཤྲིས་སྡེ་སྲིད་གཙང་པའི་སྲིད་དབང་འཕྲོགས་པའི་སྐོར།
སློབ་ཚན་སློབ་པའི་དགོས་པ།
རྒྱུ་རྐྱེན་གང་ལ་བརྟེན་ནས་སྟོབས་ཤུགས་ཆེ་བའི་བོད་བཙན་པོའི་རྒྱལ་ཁབ་འཐོར་ཞིག་ཏུ་ཕྱིན་པ་དང། ཆིག་སྒྲིལ་གྱི་སྟོབས་ཤུགས་མེད་པའི་དུས་ཡུན་ནང་བོད་ཀྱི་ཆོས་སྲིད་རིག་གནས་ཀྱི་སྟོབས་ཤུགས་གནས་བབ། དེ་བཞིན་བོད་སོག་མཆོད་ཡོན་གྱི་འབྲེལ་བ་དང་། ས་ཕག་རིན་གཙང་སྐབས་བོད་ཀྱི་ཆོས་སྲིད་རིག་གནས་དང་བཅས་པའི་གནས་བབ་ཤེས་རྟོགས་སླད།
བསླབ་གཞི་གཙོ་བོ།
བོད་ཀྱི་ལོ་རྒྱུས་གླེང་བའི་གཏམ་དང་། སྲིད་དོན་རྒྱལ་རབས། སྨད་ཆ།
ཚན་པ་དང་པོ།
བོད་སིལ་བུར་ཐོར་བའི་གནས་ཚུལ།
ཚན་པ་གཉིས་པ།
རྒྱལ་ཕྲན་སིལ་མའི་དུས་སྐབས།
ཚན་པ་གསུམ་པ།
ལྷ་ས་དང་། ཡར་ཀླུངས། མངའ་རིས། ཙོང་ཁ་བཅས་ཀྱི་རྒྱལ་རྒྱུད།
ཚན་པ་བཞི་པ།
གླིང་དངམི་ཉག་གི་སྐོར།
ཚན་པ་ལྔ་པ།
བསྟན་པ་ཕྱི་དར་གྱི་སྐོར།
ཚན་པ་དྲུག་པ།
ས་ཧོར་མཆོད་ཡོན་གྱི་འབྲེལ་བ།
ཚན་པ་བདུན་པ།
ས་སྐྱ་པས་བོད་ལ་དབང་ལུང་བསྒྱུར་བའི་དུས་སྐབས།
ཚན་པ་བརྒྱད་པ།
སྡེ་སྲིད་ཕག་མོ་གྲུ་པ་དང་། སྡེ་པ་རིན་སྤུངས་པས་བོད་ལ་དབང་ལུང་བསྒྱུར་བའི་དུས་སྐབས།
ཚན་པ་དགུ་པ།
སྡེ་པ་གཙང་པས་བོད་ལ་དབང་ལུང་བསྒྱུར་བའི་དུས་སྐབས།
ལོ་རིམ་གསུམ་པའི་སློབ་དུས་གཉིས་པ།
བསླབ་གཞི།
དུས་རབས་བར་མའི་བོད་ཀྱི་ལོ་རྒྱུས། The History of Medieval Tibet
བསླབ་གཞི་ངོ་སྤྲོད།
དགེ་སོག་མཆོད་ཡོན་དུ་འབྲེལ་ནས་གཙང་པ་སྡེ་སྲིད་ཀྱི་སྲིད་དབང་འཕྲོགས་པ་དང། ༸གོང་ས་སྐུ་ཕྲེང་ལྔ་པ་ཆེན་པོ་ནས་བཅུ་གཉིས་བར་གྱི་སྐུ་ཕྲེང་རིམ་པས་བོད་ཀྱི་སྲིད་དབང་བསྐྱངས་པའི་སྐོར།
སྙིང་དོན།
དགེ་སོག་མཆོད་ཡོན་དུ་འབྲེལ་ནས་གཙང་པ་སྡེ་སྲིད་ཀྱི་སྲིད་དབང་འཕྲོགས་པ་དང། དགའ་ལྡན་ཕོ་བྲང་གི་སྲིད་དབང་དབུ་བརྙེས་པ། ༸གོང་ས་ལྔ་པ་ཆེན་པོ་དབུ་བཞུགས་ཐོག་སྡེ་སྲིད་རིམ་པས་བོད་ཀྱི་སྲིད་དབང་བཟུང་སྐབས། བོད་དང་མན་ཇུ། འབྲུག །ལ་དྭགས་བཅས་ཀྱི་བར་འགལ་འབྲེལ་ཇི་བྱུང་སྐོར། ཕྱི་ལོ་ ༡༧༥༡ ལོར༸གོང་ས་བདུན་པའི་སྐུ་དུས་ནས་བཀའ་ཤག་ལམ་ལུགས་དབུ་བརྙེས་པ་དང་སྦྲགས། བོད་ལ་སྡེ་དཔོན་མི་དྲག་དང། རྒྱལ་སྤྲུལ། ཡབ་གཞིས་སོགས་ཀྱིས་སྲིད་དབང་སྒྱུར་བའི་ལམ་ལུགས་བྱུང་བ། དེ་བཞིན་༸གོང་ས་སྐུ་ཕྲེང་བརྒྱད་པ་དང། དགུ་པ། བཅུ་པ། བཅུ་གཅིག །བཅུ་གཉིས་བཅས་ཀྱིས་བོད་ཀྱི་སྲིད་དབང་བཞེས་སྐབས་བོད་ཀྱི་ཆོས་སྲིད་རིག་གནས་དར་འཕེལ་ཇི་བྱུང་སྐོར།
སློབ་ཚན་སློབ་པའི་དགོས་པ།
གཞུང་ས་དགའ་ལྡན་ཕོ་བྲང་པའི་སྲིད་དབང་དུས་ཡུན་རིངསྤྱིར་བོད་ཀྱི་ཆོས་སྲིད་རིག་གནས་དར་རྒུད་ཀྱི་གནས་བབ་དང་། ཡང་སྒོས་༸རྒྱལ་དབང་སྐུ་ཕྲེང་ན་རིམ་གྱིས་བོད་བསྟན་པ་ཆབ་སྲིད་དང་བཅས་པའི་དོན་དུ་མཛད་ཕྲིན་ཇི་བསྐྱངས་ཀྱི་རྣམ་ཐར་མཁྱེན་རྟོགས་སླད།
བསླབ་གཞི་གཙོ་བོ།
སྲིད་དོན་རྒྱལ་རབས། སྨད་ཆ།
ཚན་པ་དང་པོ།
དགའ་ལྡན་ཕོ་བྲང་གི་སྲིད་དབང་དབུ་བརྙེས་པ།
ཚན་པ་གཉིས་པ།
བོད་དང་འབྲུག་ཡུལ། ལ་དྭགས་སོགས་ཀྱི་བར་བྱུང་བའི་འགལ་འབྲེལ།
ཚན་པ་གསུམ་པ།
སྡེ་སྲིད་སངས་རྒྱས་རྒྱ་མཚོ་དང། ༸གོང་ས་སྐུ་ཕྲེང་དྲུག་པའི་སྐུ་དུས།
ཚན་པ་བཞི་པ།
ལྷ་བཟང་ཁང་དང། སྡེ་སྲིད་བར་གྱི་འགལ་འབྲེལ།
ཚན་པ་ལྔ་པ།
ལྷ་བཟང་དང་ཇུན་གར་བར་གྱི་འགལ་འབྲེལ།
ཚན་པ་དྲུག་པ།
ང་ལུམ་སྦྱར་གསུམ་དང་། ཕོ་ལྷ་བ། འགྱུར་མེད་རྣམ་རྒྱལ་བཅས་ཀྱི་དུས་སྐབས།
ཚན་པ་བདུན་པ།
བཀའ་ཤག་དབུ་བརྙེས་པ་དང། ༸གོང་ས་སྐུ་ཕྲེང་བདུན་པས་བོད་ཀྱི་སྲིད་དབང་བཞེས་པ།
ཚན་པ་བརྒྱད་པ།
༸གོང་ས་སྐུ་ཕྲེང་བརྒྱད་པ་དང་།དགུ་པ།བཅུ་པ་བཅས་ཀྱི་སྐུ་དུས།
ཚན་པ་དགུ་པ།
༸གོང་ས་སྐུ་ཕྲེང་བཅུ་གཅིག་དང།བཅུ་གཉིས་པའི་སྐུ་དུས།
ཟུར་ལྟའི་དེབ།
༡། ཡར་ཀླུངས་ཆོས་འབྱུང་།
༢། ཚལ་པའི་དེབ་དམར།
༣། ས་སྐྱའི་གདུང་རབས་ངོ་མཚར་བང་མཛོད།
༤། རླངས་ཀྱི་པུ་ཏི་བསེ་རུ།
༥། རྒྱ་བོད་ཡིག་ཚངས་ཆེན་མོ།
༦། མི་དབང་རྟོགས་བརྗོད།
༧། དགའ་བཞི་པའི་རྣམ་ཐར།
༨། ཀ་ཐོག་རིག་འཛིན་ཚེ་དབང་ནོར་བུའི་གུང་ཐང་རྒྱལ་རབས།
༩། བོད་སིལ་བུའི་འབྱུང་བ་བརྗོད་པ་ཤེལ་དཀར་ཕྲེང་བ།
༡༠། རྒྱལ་བ་སྐུ་ཕྲེང་དང་པོ་ནས་བཅུ་གཉིས་བར་གྱི་རྣམ་ཐར།
ལོ་རིམ་བཞི་པའི་སློབ་དུས་དང་པོ།
བསླབ་གཞི།
ཉེ་རབས་བོད་ཀྱི་ལོ་རྒྱུས། The Modern History of Tibet
བསླབ་གཞི་ངོ་སྤྲོད།
བོད་དང་དབྱིན་ཇི། ཨུ་རུ་སུ། རྒྱ་ནག་བཅས་ཀྱི་བར་བྱུང་བའི་འགལ་འབྲེལ་དང་། ཕྱི་ལོ་ ༡༩༡༣ ནས་ ༡༩༣༣ བར་བོད་ཀྱི་སྲིད་དབང་སྟོབས་ཤུགས་དང། ཕྱི་འབྲེལ། དམག་དོན། དཔལ་འབྱོར་བཅས་ཀྱི་གནས་བབ།
སྙིང་དོན།
ཕྱི་ལོ་ ༡༨༩༥ ལོར་༸གོང་ས་སྐུ་ཕྲེང་བཅུ་གསུམ་པ་ཆེན་པོས་ལུགས་གཉིས་ཆབ་སྲིད་ཀྱི་ཐུགས་འགན་བཞེས་པ་དང་། ཕྱི་ལོ་ ༡༨༩༨ ནས་ ༡༩༡༣ བར་བོད་དང་ཨུ་རུ་སུ། དབྱིན་ཇི། རྒྱ་ནག་བཅས་ཀྱི་བར་འགལ་འབྲེལ་ཇི་བྱུང་། ཕྱི་ལོ་ ༡༩༡༣ ནས་ ༡༩༣༣ བར་བོད་ཀྱི་ཆབ་སྲིད་དང་། དམག་དོན། དཔལ་འབྱོར། ལག་རྩལ། སྤྱི་ཚོགས་སྒྲིག་གཞི། རིག་གནས་བཅས་ཀྱི་གནས་བབ་དང། བོད་ཀྱི་ཆབ་སྲིད་ལམ་ལུགས་དེང་རབས་ཅན་དུ་ཕྱོགས་པའི་སྐོར།
སློབ་ཚན་སློབ་པའི་དགོས་པ།
སྤྱིར་ཉེ་རབས་འཛམ་གླིང་གི་ཆབ་སྲིད་འཕོ་འགྱུར་ཁྲོད་བོད་ཀྱི་ཆབ་སྲིད་གནས་བབ་ཀྱི་འགྱུར་འགྲོས་དང་། ཡང་སྒོས་༸གོང་ས་སྐུ་ཕྲེང་བཅུ་གསུམ་པ་ཆེན་པོ་མཆོག་གིས་འཛམ་གླིང་ཆབ་སྲིད་འགྱུར་འགྲོས་དང་བསྟུན། བོད་དེང་རབས་ཅན་གྱི་ཕྱོགས་སུ་བསྐྱོད་སླད་མཛད་པ་ཅི་བསྐྱངས་ཤེས་རྟོགས་སླད།
བསླབ་གཞི་གཙོ་བོ།
སྲིད་དོན་རྒྱལ་རབས། སྨད་ཆ།
ཚན་པ་དང་པོ།
༸གོང་ས་སྐུ་ཕྲེང་བཅུ་གསུམ་པས་ཆོས་སྲིད་གཉིས་ཀྱི་ཐུགས་འགན་བཞེས་པ།
ཚན་པ་གཉིས་དང།
བོད་ལ་དབྱིན་ཇིའི་བཙན་འཛུལ་གྱི་འགོ་འབུས་པ།
ཚན་པ་གསུམ་པ།
རྡོ་རྗེ་ཡིབ་བརྒྱུད་ནས་བོད་དང་ཨུ་རུ་སུའི་བར་འབྲེལ་བ་བྱུང་བ།
ཚན་པ་བཞི་པ།
ཕྱི་ལོ་ ༡༩༠༤ ལོར་བོད་ལ་དབྱིན་ཇིའི་བཙན་འཛུལ་བྱུང་བ།
ཚན་པ་ལྔ་པ།
༸གོང་ས་མཆོག་རྒྱ་སོག་ཡུལ་གྲུར་ཉེན་གཡོལ་ལ་ཕེབས་པའི་སྐོར།
ཚན་པ་དྲུག་པ།
བོད་དང་མན་ཇུའི་འགལ་འབྲེལ།
ཚན་པ་བདུན་པ།
བོད་ལ་མན་ཇུའི་བཙན་འཛུལ་དང། ༸གོང་ས་མཆོག་རྒྱ་གར་དུ་ཉེན་གཡོལ་ལ་ཕེབས་པའི་སྐོར།
ཚན་པ་བརྒྱད་པ།
མན་ཇུའི་དཔོན་དམག་བོད་ནས་མཐར་སྐྲོད་དང། སླར་ཡང་བོད་རང་བཙན་གྱི་བསྒྲགས་གཏམ་སྤེལ་བ།
ཚན་པ་དགུ་པ།
བོད་ཀྱི་དམག་དོན་དང་། དཔལ་འབྱོར། འཕྲུལ་རིག་ལག་རྩལ་སོགས་དེང་རབས་ཅན་དུ་ཕྱོགས་པའི་སྐོར།
ལོ་རིམ་བཞི་པའི་སློབ་དུས་གཉིས་པ།
བསླབ་གཞི།
ཉེ་རབས་བོད་ཀྱི་ལོ་རྒྱུས།
བསླབ་གཞི་ངོ་སྤྲོད།
རྒྱལ་ཚབ་རྭ་སྒྲེང་དང། སྲིད་སྐྱོང་སྟག་བྲག །༸གོང་ས་སྐུ་ཕྲེང་བཅུ་བཞི་ཆེན་པོ་བཅས་ཀྱིས་བོད་ཀྱི་སྲིད་དབང་སྐྱོང་རིང་བོད་ཀྱི་ཆོས་སྲིད་རིག་གནས་དང་བཅས་པའི་གནས་བབ།
སྙིང་དོན།
ཕྱི་ལོ་ ༡༩༣༣ ལོར་རྭ་སྒྲེང་རིན་པོ་ཆེ་བོད་ཀྱི་རྒྱལ་ཚབ་ཏུ་ཕེབས་པ་དང། ༸རྒྱལ་བའི་ཡང་སྲིད་འཁྲུལ་མེད་བཙལ་འཚོལ་ཞུས་པ། ལུང་ཤར་གཙོས་རྩེ་ཤོད་དྲུང་འཁོར་འགའི་དོན་རྐྱེན་དང། ཕྱི་ལོ་ ༡༩༤༠ ལོར་རྭ་སྒྲེང་རྒྱལ་ཚབ་ནས་དགོངས་པ་ཞུས་ཏེ། སྟག་བྲག་རིན་པོ་ཆེས་སྲིད་སྐྱོང་གནང་བ། རྭ་སྟག་གཉིས་ཀྱི་བར་སྲིད་དབང་འཕྲོག་རྩོད་ཀྱི་འགལ་ཟླ་བྱུང་བ། བོད་ལ་རྒྱ་གུང་ཁྲན་གྱི་བཙན་འཛུལ་སླེབས་པ། ༸གོང་ས་སྐུ་ཕྲེང་བཅུ་བཞི་པ་ཆེན་པོས་བོད་ཀྱི་ཆོས་སྲིད་གཉིས་ཀྱི་ཐུགས་འགན་བཞེས་པ། བོད་རྒྱའི་བར་གྲོས་མཐུན་དོན་ཚན་བཅུ་བདུན་བཞག་པ། ཕྱི་ལོ་ ༡༩༥༩ བར་རྒྱ་བོད་གཉིས་མཉམ་གནས་ཀྱིས་བོད་ཀྱི་སྲིད་དབང་བཟུང་ཡང་། མཐར་ཕྱི་ལོ་ ༡༩༥༩ ལོར་བོད་མིའི་ཞི་བའི་སྒེར་ལངས་ལ་རྒྱ་དམར་གྱིས་དྲག་གནོན་བྱས་རྐྱེན་༸གོང་ས་མཆོག་དང་བཀའ་ཤག་གིས་གཙོས་བོད་མི་ཁྲི་ཕྲག་མང་པོ་བཙན་བྱོལ་དུ་ཕེབས་དགོས་བྱུང་བའི་སྐོར།
སློབ་ཚན་སློབ་པའི་དགོས་པ།
ཕྱི་ལོ་ ༡༩༣༣ ནས་ ༡༩༥༡ བར་བོད་ཀྱི་ཆབ་སྲིད་ཀྱི་གནས་བབ་ཉམས་རྒུད་བྱུང་ཚུལ་དང། ཕྱི་ལོ་ ༡༩༥༩ ལོར་བོད་ནང་གུང་ཁྲན་གྱིས་བཙན་འཛུལ་ཇི་བྱས། དེ་བཞིན་༸གོང་ས་སྐུ་ཕྲེང་བཅུ་བཞི་པ་ཆེན་པོ་མཆོག་གིས་བོད་བསྟན་སྲིད་མི་རིགས་དང་བཅས་པའི་བདེ་དོན་སླད་སྐུ་ལས་ཇི་བསྐྱོན་ཤེས་རྒྱུའི་ཆེད།
བསླབ་གཞི་གཙོ་བོ།
སྲིད་དོན་རྒྱལ་རབས། སྨད་ཆ།
ཚན་པ་དང་པོ།
རྭ་སྒྲེང་རྒྱལ་ཚབ་ཏུ་བསྐོས་པ།
ཚན་པ་གཉིས་པ།
སྤྱན་གསལ་ཐུབ་བསྟན་ཀུན་འཕེལ་ལགས་དང་ལུང་ཤར་ལས་འགུལ་གྱི་དོན་རྐྱེན།
ཚན་པ་གསུམ་པ།
༸གོང་ས་བཅུ་གསུམ་པའི་ཡང་སྲིད་བཙལ་འཚོལ་དང་བཀའ་བློན་ཁྲི་སྨོན་དགོངས་ཞུ།
ཚན་པ་བཞི་པ།
༸གོང་ས་སྐུ་ཕྲེང་བཅུ་བཞི་པ་ཆེན་པོ་གདན་ཞུ་དངགསེར་ཁྲི་མངའ་གསོལ།
ཚན་པ་ལྔ་པ།
རྭ་སྒྲེང་རྒྱལ་ཚབ་ནས་དགོངས་ཞུ་གནང་བ་དང་སྟག་བྲག་རྒྱལ་ཚབ་ཏུ་བསྐོས་པ།
ཚན་པ་དྲུག་པ།
བོད་གཞུང་ཕྱི་སྲིད་ལས་ཁུངས་དང། བོད་ནང་རྒྱ་དབྱིན་གཉིས་ཀྱི་དོན་གཅོད་བཅའ་སྡོད།
ཚན་པ་བདུན་པ།
གཡུལ་རྒྱལ་བཀྲ་ཤིས་བདེ་ལེགས་དངཨེ་ཤ་ཡའི་ཚོགས་འདུར་ངོ་བཅར།
ཚན་པ་བརྒྱད་པ།
ཚོང་དོན་སྐུ་ཚབ་དང་གུང་ཁྲན་གྱིས་བཙན་འཛུལ།
ཚན་པ་དགུ་པ།
༸གོང་ས་བཅུ་བཞི་པ་ཆེན་པོས་ཆོས་སྲིད་གཉིས་ཀྱི་ཐུགས་འགན་བཞེས་པ་དང་གྲོས་མཐུན་དོན་ཚན་བཅུ་བདུན།
ཚན་པ་བཅུ་པ།
རྒྱལ་ཡོང་མི་དམངས་འཐུས་མི་ཚོགས་ཆེན་དངབོད་རང་སྐྱོང་ལྗོངས་གྲ་སྒྲིག་ཨུ་ཡོན་ལྷན་ཁང་།
ཚན་པ་བཅུ་གཅིག་པ།
བོད་མིའི་ཞི་བའི་སྒེར་ལངས་དང་རྒྱ་མིས་བོད་ནང་དྲག་གནོན།
ཚན་པ་བཅུ་གཉིས་པ།
༸གོང་སྲིད་བཀའ་ཤག་དང་བཅས་པ་ཉེན་གཡོལ་དང་རྒྱལ་སྤྱིའི་ཐོག་བོད་དོན་ཞུ་གཏུགས།
ཟུར་ལྟའི་དེབ།
༡། སྐུ་ཕྲེང་བཅུ་གསུམ་པའི་རྣམ་ཐར།
༢། ངོས་ཀྱི་ཡུལ་དང་ངོས་ཀྱི་མི་མང།
༣། བཙན་བྱོལ་ནང་གི་རང་དབང་།
༤། བོད་མི་དམངས་འཆིང་བྱེད་ཀྱི་ལྕགས་སྒྲོག
༥། བོད་ཀྱི་དཔེ་མཛོད་ཁང་གི་ངག་རྒྱུན་ལོ་རྒྱུས་ཁག
༦། བོད་ཀྱི་ལོ་རྒྱུས་དཔྱད་གཞིའི་རྒྱུ་ཆ་བདམས་བསྒྲིགས་ཁག
༧། བོད་ཀྱི་གནས་བབ།
༨། India and Tibet
༩། People of Tibet
༡༠། Tibet and the British Raj
༡༡། The Dragon in the land of snows
༡༢། Tibet and its History